எதிர்காலக் கனவுகள் !

கவிதை by பூ.சுப்ரமணியன்


அன்பு என்னும் மலர் மலர்ந்து

அமைதி எங்கும் பரவ வேண்டும்

ஆன்மீக அன்பர்கள் ஒன்று கூடி

மனிதநேயம் வளர்க்க வேண்டும் !


இன்னா செய்தாரையும் மறக்காமல்

புன்னகையுடன் வரவேற்று

ஈன்றவளைத் தெய்வம் என

எப்போதும் நினைக்க வேண்டும் !


உண்மைத் தன்மை உணர்ந்து

வாழ்வில் உயர்வு பெற வேண்டும்

ஊனம் கண்டு வெறுக்காமல்

நல்லுறவோட பழக வேண்டும் !


எவ்வுயிரும் தம் உயிர்போல்

நினைக்கும் உள்ளம் வேண்டும்

ஏற்றமிகும் பாரதம் என

எங்கும் பேசப்பட வேண்டும் !


ஐயம் தெளிவுபட நல்ல

கல்விமுறை வர வேண்டும்

ஒற்றுமை எங்கும் நிலவி

ஒருமைப்பாடு வளர வேண்டும் !


ஒளவை மொழி அமுத மொழி

அனைவரும் உணர வேண்டும்

எ.;.கு போல் வீரம் செறிந்த

இளைஞர்கள் உருவாக வேண்டும் !


விளை நிலம் வீடுகளாவதை

களையெடுத்து விவசாயமே

நம் நாட்டின் உயிர் மூச்சு

எதிர்கால கனவு பலிக்க வேண்டும் !


செயற்கை உரத்திற்கு விடைகொடுத்து

இயற்கை உரங்களை வரவேற்று

பாரதம் எங்கும் பசுமை காண

பசுமைப் புரட்சி எழ வேண்டும் !


இலவசத்திற்கு சமாதி கட்டி

இளைஞர்கள் வேலைவாய்ப்பு பெற

நல்ல தொழிற்சாலைகள் உருவாக்கி

நம்பிக்கை விளக்கேற்ற வேண்டும் !


உழவையும் கைத்தொழிலையும்

மதிக்க வேண்டும்

வீணில் உண்டு களிப்போருக்கும்

உழைப்பின் பெருமையை

உணர்த்த முயல வேண்டும் !


மது இல்லாதத் தமிழகம்

மது இல்லாதப் பாரதம்

மக்களின் எதிர்காலக் கனவுகள்

நிகழ்காலத்திலே பலிக்க வேண்டும்.!


அன்பு என்னும் விதையைத் தூவி

பண்பு என்னும் நீரைப் பாய்ச்சி

ஆன்மீகம் என்னும் உரமிட்டு

மனிதநேயம் வளர்க்க வேண்டும் !


பூ. சுப்ரமணியன்,

பள்ளிக்கரணை , சென்னை


tamil@pratilipi.com
+91 9206706899
சமூக வலைதளங்களில் தொடர
     

எங்களைப் பற்றி
எங்களுடன் இணைய
தனியுரிமை கொள்கை
சேவை விதிமுறைகள்
© 2017 Nasadiya Tech. Pvt. Ltd.