---

எதேச்சையா ஹர்ஷாவ பத்தி தெரிஞ்சிக்கிட்டேன்.

ஹர்ஷாக்கு டைரி எழுதற பழக்கம் இல்ல. ஆனால் ஏதோ ஒரு கட்டத்துல டைரி மட்டுமே உண்மையான துணை மாதிரி ஆகி போச்சு. இந்த டைரி ஹர்ஷவோட அம்மா கண்ல பட்டு அவங்க படிச்சு புரியறதுகுள்ள, எல்லாம் கை மீறி போச்சு. ஹர்ஷாவும் இல்ல..

---

எல்லாரோட குழந்தை பருவம் மாதிரி தான் ஹர்ஷாவோடதும். ஒழுங்கா படிக்கணும். அதிகமா மார்க் வாங்கணும். டியுஷன் போகணும். ஸ்போர்ட்ஸ்ல வரணும். அப்படி இப்படின்னு ஒரு அட்டவணை மாதிரி தான் குழந்தை லைஃப்.

எந்த வசதி வாய்ப்புக்கும் குறைச்சலே இல்லாம நல்ல மேல்தட்டு குடும்பம் தான். டைம்டேபிள் வாழ்க்கைல புயல் மாதிரி வந்தவன் தான் ராம். ஹர்ஷவோட பெரியப்பா பையன். அவங்க மொத்த குடும்பத்திலேயும் ராம் தான் பெரிய எடுத்துக் காட்டு. படிப்புல புலி. அதே மாதிரி செஸ் மற்றும் ஸ்விம்மிங்லயும். “ராம்” அப்டின்றது அவங்க குடும்பத்துல ஒரு ட்ரேட்மார்க் மாதிரி. குடும்பத்து முதல் வாரிசு ரொம்ப பொறுப்பா வளந்து வரான்னு எல்லாருக்கும் ரொம்ப பெருமை. இன்னிக்கும் ராம் தான் அடுத்த தலைமுறையோட எடுத்துக்காட்டா இருக்கான். அதே மாதிரி ஒரு தப்பான எடுத்துக்காட்டாவும். அந்த தப்பு ஹர்ஷாவுக்கு மட்டும் தான் தெரியும்.

ஹர்ஷாவோட வாழ்க்கை ராம்-கு முன், ராம்-கு பின் அப்டின்னு ரெண்டு வகையா பிரிக்கலாம்.

ராம்-கு முன் – வீட்டுக்கு ஒரே குழந்தை. இருந்தாலும் பெரியவங்க கிட்ட பயம். சொல்பேச்சு கேட்டு எதிர்த்து பேசாது. நல்ல படிச்சு அப்பா அம்மா சொல்றது எல்லாம் செஞ்சு அவங்க கூட வெளில போய், இப்படி ஒரு வாழ்க்கை.

ராம்-கு பின் – பல கோணங்களில் பரிமாணங்களில் பிரிக்கலாம்.

ஹர்ஷாவோட வாழ்க்கைல ராம் வந்த போது, ஹர்ஷாக்கு ஏழு வயசு. ராம்கு பதினஞ்சு. டென்த் முடிஞ்சி லீவ்கு ரெண்டு வாரம் சென்னைக்கு வந்தான். ஆனா, அதுவே ரெண்டு வருஷம் சென்னைலயே அப்டின்னு ஆகி போச்சு.

நாமக்கல்ல ஹாஸ்டல்ல படிச்சிட்டு இருந்த ராம்க்கு பத்தாவது படிக்கும் போது ஆரம்பத்துல பெரிசா காய்ச்சல் வந்து, ஒடம்ப ரொம்ப மோசமா போய், அடுத்து மேல் படிப்புலாம் ஹாஸ்டல்ல விட முடியாதுன்னு முடிவு பண்ணி, சென்னைல இருக்கற அவனோட சித்தப்பா வீட்டுக்கு அனுப்ப முடிவு பண்ணாங்க. அது தான் ஹர்ஷவோட அப்பா.

சென்னைல ஸ்கூல் மட்டும் இல்ல. அவனோட ஸ்போர்ட்ஸ் கோச்சிங்கும் நல்லா இருக்கும்னு அபிப்ராயம் எல்லாருக்கும்.

ஸ்கூல் சேர்ந்த சில வாரங்கள் நல்லா போச்சு. ராம் வீட்டுக்கு வந்ததுலேந்து ஹர்ஷாவ ரொம்ப ஈர்த்த விஷயம், எல்லாரும் அவன பெருமையா பேசறதும். எல்லாத்துக்கும் ராம் ராம்ன்னு எடுத்துக்காட்றதும். இதுவே ஹர்ஷாவ ராம் பக்கம் ரொம்பவே ஈர்த்தது.

அஞ்சு வருஷம் ஹாஸ்டல்லேந்து வீட்டுக்கு வந்த சுதந்திரம், ராம்க்கு ரொம்ப சந்தோஷத்த குடுத்தது. அவனோட வீட்ல கூட இவ்ளோ ஃப்ரீடம் இருக்காது. அதுவும் இல்லாம அவன எல்லாரும் ஒரு பெரிய மனுஷன மாதிரி பேசறதும் அவனுக்கு தலைல பத்து கிரீடம் வெச்ச மாதிரி இருந்தது.

“எங்க ஹர்ஷாவும் உன்ன மாதிரி வந்துட்டா ரொம்ப சந்தோஷ படுவோம் டா” – ஹர்ஷாவின் அப்பா.

“சித்தப்பா நீங்க கவலை படாதீங்க. இனி எல்லாமே நான் பாத்துக்கறேன். எதாவது டவுட்னா நான் இருக்கேன். ஸ்விம்மிங் கோச்சிங், மத்த ஸ்போர்ட்ஸ்எல்லாம் கூட நானே கூட இருந்த பாத்துக்கறேன்.” என்றான் ராம்.

அவங்களுக்கு ரொம்ப சந்தோஷம்.

ஒரு பிள்ளை நல்லா படிக்கிறான், புத்திசாலியா திறமைசாலியா இருக்கிறான், அப்டினா அவன பெத்தவங்கள விட அவன வளத்தவங்களுக்கு கொஞ்சம் பெருமை அதிகம். அப்படி எதுவுமே ஹர்ஷாவோட அப்பா பண்ணலேன்னாலும், அங்க இருந்த தான இனி படிக்க போறான். அதனால எதிர்காலத்துல ராமோட வளர்ச்சில தன்னோட பங்கும் நிறைய என்ற பெருமையா எதிர்நோக்கி, தன் குழந்தையோட கனவுகள ஆசைகள தொலைக்க போறது தெரியாம....

---

முதலில் விளையாட்டா தான் ஆரமிச்சது. பொதுவாவே ஹர்ஷா ரொம்ப அமைதி. கொஞ்சம் ஸ்ட்ரிக்ட் ஆனா வீடு. கூட விளையாடவோ கூட பொறந்தவங்க யாரும் இல்ல. பக்கதுல இருக்கறவங்க கூட விளையாட நேரமில்ல. அனுமதியும் இல்ல. மேலும் பல சமயத்துல ஆளில்ல. இத்தனை இல்லைகளுக்கு நடுவுல, ஹர்ஷா அமைதியா ஆனா மனசுக்குள்ள சின்னதும் பெரிசுமா நிறைய ஆசைகள சுமந்து....

ஸ்விம்மிங் போலாம்னு ஆரமிச்ச வினை. வீடு, டியுஷன், வாரம் ஒரு முறை ஹோட்டல், பர்த்டே பார்ட்டி.. இதுக்கு நடுல தனியா ராம் கூட வெளில போறது புதுசாவும் அழகாவும் இருந்தது ஹர்ஷாக்கு.

“நான் சொல்லி தரேன் சித்தப்பா. இந்த வயசே லேட். தைரியமா வளர வேணாமா” அப்டின்னு ராம் சொன்னான்.

ஒரு பக்கம் கேளிக்கை மறு பக்கம் பயிற்சி. அப்படியான ஒரு நீச்சல் வகுப்பில் ஹர்ஷா. விதவிதமாக நீச்சல் குளங்கள். முதலில் ஹர்ஷாக்கு பயம் இருக்க கூடாதுன்னு “என் கூட இரு. நான் உன்ன புடிச்சிக்கறேன். தண்ணில பயம் போன உடனே நீ ட்ரைனிங் கத்துக்கோ.” அப்டின்னு சொல்லி தன்னுடன் இருக்க வைத்தான்.

மிதக்கும் டியூப், ஸ்விம்மிங் பேட் (pad) எல்லாம் போட்டு கொஞ்சம் கொஞ்சமா பயம் கொறஞ்சது.

ட்யுப் மாட்டிக்கிட்டு தையா தக்கான்னு தண்ணிய தள்ளிட்டு போற ஹர்ஷாவ பாத்து ராம் மனசுக்குள்ள பேய்!

ராம் அந்த வயசு, ஹார்மோன்களின் வேலை, அவன் வளந்த இடம், இறுக்கமான சூழ்நிலை, தன்னோட சுதந்திரம் எல்லாமே அவனை வேற ஒரு பக்கமா கொஞ்ச கொஞ்சமா கொண்டு போச்சு.

“ஹர்ஷா.. அங்க பாரு. எல்லாரும் தண்ணில டியூப் இல்லாம மெதக்கறாங்க. நீயும் அப்படி பண்ண வேணாமா?” ராம் கேட்க கண்கள் விரிந்தது ஹர்ஷாக்கு.

இங்க வா. நான் சொல்ற மாதிரி பண்ணு நீயும் ஜாலியா மெத்தக்கலாம்.

ஓரமாக ஒரு நீச்சல் குளத்திற்கு அழைத்துச் சென்றான். தண்ணியில் இறக்கி விட்டான். ஹர்ஷா முழுகப் போகும் போது தூக்கினான். மையமாக சிரித்தான்.

“பயமா இருக்கு” - ஹர்ஷா

“இந்தா.. ரெண்டு கைல இத நல்ல கெட்டியா புடிச்சிக்கோ. தண்ணில கால் படாது. என் காலுக்கு நடுல புடிச்சிக்கோ.. உன்ன தண்ணில மிதக்க வெக்கறேன். என்று அவன் ஆண்குறியை நீட்டி அதனை பிடித்துக் கொள்ளச் செய்தான். என்னவென்று புரியாமல் ஹர்ஷாவும் அவன் சொன்னபடியே..

“கை வழுக்கிச்சின்னா இன்னும் டைட்டா என் காலுக்கு நடுல புடிச்சிக்கோ.. சரியா.”

ஹர்ஷாவை அவன் சொன்னபடியே மிதக்க வைத்தான். அதனால் என்ன நடந்தது என்றே ஹர்ஷாக்கு புரியவில்லை.

இதுவே பல முறை நடந்தது.

---

நீச்சல் குளத்தில் ஆரமித்த வில்லங்கம் ஹர்ஷாவை வீட்டிலும் விட்டு வைக்கவில்லை.

யாரும் இல்லாத சமயத்தில்..

நான் உனக்கு ஒரு மேஜிக் பண்ணட்டா... உன் டிரஸ் கழட்டு. – ராம்

ஹர்ஷாவிற்கு தயக்கம்.

சரி. நீ கழட்ட வேணாம். நான் ஒரு மேஜிக் காட்றேன்.

அவன் கையை எடுத்து, ஹர்ஷாவின் வயிற்றில் தடவினான்.. “அய்யய்யோ.. ஒண்ணுமே வரலையே” அப்டின்னு சொல்லி பின் ஹர்ஷாவின் பிறப்புறுப்பின் அருகே கொண்டு சென்று தடவினான். மீண்டும் “அய்யய்யோ.. ஒண்ணுமே வரலையே” என்று சிரித்தான்.

“சரி நீ எனக்கு பண்ணு. மேஜிக் தெரியும்.”

ஹர்ஷா லேசாக ஆர்வத்துடன் ராம் வயிற்றில் தடவி பார்த்து சிரிக்க... “ம்ம்ம்ம்.. கீழ ட்ரை பண்ணு” என்று கையை கீழே கொண்டு சென்றான்.

அவன் ஆணுறுப்பு இருக்கும் பகுதியை தொடுகையில், சில நொடிகளில் நீண்டது..

ராம் சிரித்துக் கொண்டே, “பாத்தியா சொன்னேன்ல மேஜிக்..”

ஹர்ஷாக்கு சிரிப்பும் குதூகலமும் கூடவே லேசாக குழப்பமும்.

“எனக்கு ஏன் அண்ணா வரல?” – ஹர்ஷா

“உனக்குலாம் வராது. நான் அப்புறம் நிறைய சொல்லி தரேன்” – ராம்.

ஹர்ஷாவின் கையில் அவனுன் ஆணுறுப்பை பிடித்துக் கொள்ள செய்தான். ஹர்ஷாவை மடியில் அமர்த்திக் கொண்டு, “நீ பெரிசான சூப்பரா இருப்ப தெர்யுமா” என்று பெரிய சாக்லேட் ஒன்றை கொடுத்தான்.

---

இதை போல சில பல நிகழ்வுகள். ராம் அங்கு வந்து ஒரு வருடம் ஆகி விட்டது. ஆண்டு விடுமுறை பத்து நாட்களுக்கு ராம் அவன் ஊருக்கு சென்றிருந்தான். எல்லாருக்கும் ஹர்ஷாவை ராம் தன்னோட கூட பொறந்தவங்கள விட அதிகமா ஆசையா பாசமா பாத்துக்கறான்னு பெருமை, சந்தோஷம்.

வெக்கேஷன்’ அப்புறம் ராம் சென்னைக்கு வந்தான். பெரிசா எதுவும் நடக்கல. இன்னும் சொல்லப் போனா ராம் ஹர்ஷாவ எந்த வகைலையும் தொந்தரவு பண்ணல. ஆனா எல்லாமே கொஞ்ச நாட்களுக்கு தான்.

ஹர்ஷாவோட அம்மா ரெண்டாவதா ப்ரெக்னன்ட் ஆகி இருக்கறது தெரிஞ்சு எல்லாருக்கும் சந்தோஷம். ஆனா இந்த விஷயம் ஹர்ஷாவோட நிலைமைய இன்னும் மோசம் ஆக்கிருச்சு. மயக்கம், வாந்தி, தலைசுத்தல் அப்டின்னு நாள் முழுக்க அவங்களால ஹர்ஷாவ கவனிக்க முடியல. ராம் முழுசுமா ஹர்ஷாவ நான் பாத்துக்கறேன்னு சொல்லிட்டான். (ஹர்ஷாவிற்கு ஒரு அழகான தம்பி பிறந்தது)

+2 படிக்கற உனக்கு எதுக்கு கஷ்டம்னு சொல்லியும், “வீட்ல தான சித்தி.. நான் படிக்கும் போது கூட வெச்சிக்கறேன். என்னோடவே தூங்கட்டும். முடிஞ்சா வரைக்கும் உங்கள ரொம்ப தொந்தரவு பண்ணாம பாத்துக்கறேன்.” – ராம்.

ராமை தலையில் தூக்கி வைத்துக் கொண்டாடாத கதை தான். ஒரு நாள், அம்மாவோட தான் தூங்குவேன்னு லேசாக முரண்டு பிடித்த ஹர்ஷாவை தூக்கிக்கொண்டு, “நா உனக்கு இது வரைக்கும் யாரும் சொல்லாத ஒரு புது கத சொல்ல போறேன்” – சென்றான் ராம்.

அவன் சொன்னது போலவே மிக மிக சுவாரஸ்யமாக ஒரு கதைய ஹர்ஷாவிற்கு சொன்னான். கதையின் போக்கில் மயங்கிய ஹர்ஷா அவன் விரல்கள் தன உடலில் ஊறியதை கவனிக்கவில்லை. மேலும் தன் விரல்களை அவன் உடலில் ஊடுருவ விட்டதையும்.. ஹர்ஷாவிற்கு எதுவும் விளங்கவில்லை, எல்லாம் அந்த கதைக்குள்ளே மூழ்கி விட்டது.

ஒரு கட்டத்தில், ஹர்ஷாவின் கையில் வெப்பமாய் பிசுபிசுவென ஏதோ படவும், கதை முடியவும் சரியாக இருந்தது. சட்டென்று உதறிக்கொண்டு பயந்து ராமை பார்க்க.. ராம் அதைக் கண்டு கொள்ளாதவாறு அவன் ஷார்ட்சை சரியை அணிந்து கொண்டான். ஹர்ஷாவின் கையை துடைத்து விட்டான். சரி தூங்கலாம்னு, தூங்கிவிட்டான்.

இந்த சம்பவத்தில் இருந்து ராமை பார்க்க ஹர்ஷாவிற்கு பிடிக்கவில்லை. பள்ளியில் குட் டச் பேட் டச் சொல்லி கொடுத்தது பற்றி யோசனை வந்தது. வீட்ல யார்கிட்ட சொல்றதுன்னு தெரியல.

எல்லாத்துக்கும் பெரிய அதிர்ச்சியா... ஒரு கட்டத்துல ராம் ஹர்ஷாவை நேராகவே பயன்படுத்த ஆரமிச்சான். நீ இப்டிலாம் பண்ணலேன்னா உன்ன அப்பா கிட்ட சொல்லி குடுத்து அடி வாங்க வெச்சிருவேன் என்று மிரட்டி, சுய இன்பத்திற்கு பதிலாய் ஹர்ஷாவிடம் குடுத்தும், முத்தமிட சொல்லியும், ............ தீர்த்துக் கொண்டான்.

ஹர்ஷாவிற்கு இது தவறு என்று புரிந்து விட்டது. எப்படி விடுபடுவது என்று தெரியவில்லை. அவன் இருந்த அந்த சில மாதங்கள்.... அது தான் ஹர்ஷாவின் வாழ்வை புரட்டிப் போட்டது.

+2 எழுதிய பிறகு அவன் சென்றுவிட்டான். ஹர்ஷாவுக்கு, பெரிய விடுதலை கெடச்ச மாதிரி இருந்தது. ஆனால் எல்லாம் சில வருடங்கள் தான்.

ஹர்ஷா வளர வளர, ஒவ்வொரு விஷயமாய் புரிய ஆரமித்தது. ஹர்ஷாவிற்கு பதினான்கு வயதிலே, தன்னை எப்படி எல்லாம் எதற்காக ராம் செய்தான் என்று தெளிவாக புரிந்தது. இப்போ அத பத்தி பேசினா யாரால என்ன பண்ண முடியும்? இல்ல யாராவது நம்புவாங்களா?

ஹர்ஷா என்ற ஹர்ஷவர்த்தன் அவனுடைய பருவம் அடைந்த தருணத்தில் இதை எல்லாமே உணர்ந்தான். தன் மேல் வெறுப்பு வந்தது. என்ன நடந்தது என்பதை தெளிவாக உணர ஆரமித்தவுடனே ஹர்ஷாவின் எல்லாமே மாறிவிட்டது.ஒரு ஆணாக அசிங்கமா உணர்ந்தான். ஒழுங்காக சாப்பிடவில்லை. படிக்கவில்லை. எதையும் ஒழுங்காக செய்ய முடியவில்லை.

வீட்ல இருக்கற எல்லார் கிட்டயும் கோவத்த காட்டினான். டென்த் எக்ஸாம்ல பார்டர்ல பாஸ். அவனோட தம்பிக்கு அப்போ எட்டு வயசு. தன்னோட தம்பிய பாக்கும் போதுலாம், அவனையே பாக்கற மாதிரி இருக்கும். ராம் அப்டின்னு பேச்சு வரும்போதுலாம் பெரிசா ரகள பண்ணி வீட்டையே ரெண்டு பண்ணினான். இவனோட வாழ்க்கைய ஒரு மாதிரி சிதைச்ச ராம் பாரீன்ல படிச்சிட்டு இருந்தான்.

படிக்க இன்ட்ரஸ்ட் இல்லாம என்னமோ படிக்கறேன்னு ஸ்கூல்க்கு போயிட்டு வந்துட்டு இருந்தான். வீட்ல இருந்தவங்க இவனோட நடவடிக்கைல வந்த மாற்றாம்லாம் தப்பாவே பாத்தாங்க.

அந்த சமயத்துல தான் ஹர்ஷா டைரி எழுத ஆரமிச்சான். தன்னோட வலி எல்லாம் எழுதி தீர்க்க முடிவி செஞ்சதுல ஓரளவுக்கு அவனால வெளில வர முடிஞ்சுது.

ஆனால், இன்னொரு பக்கம் அவன் வாழ்க்கை முழுக்கவே மாறி விட்டது. ராம் அவனை எப்படி எல்லாம் உபயோகிச்சான் அப்டின்ற நினைப்பே அவனின் மொத்த எண்ணங்களை சுழற்றி அடித்தது. அதனோட விளைவு, எந்த பெண் கிட்டயும் அவனுக்கு ஈர்ப்பு வரவே இல்லை.

காலேஜ் முடிக்கல. சில வருடங்கள் போச்சு. ஒரு கட்டத்துல, தான் ஒரு ஓரினச் சேர்க்கையாளன் என்பதை புரிஞ்சிகிட்டான். வீட்ல எப்படி இதை சொல்ல முடியும்? மொத்தமா டைரில எழுதி அவன் அம்மாவோட கண்ல படர மாதிரி வெச்சிட்டு நிறைய பணம் எடுத்துக் கொண்டு எங்கயோ போய்ட்டான்.

---------------------------------------

இது எல்லாம் ஹர்ஷா சொன்னது. ஒரு முறை ஓரினச்சேர்க்கையாளர்கள் பற்றிய ஒரு கட்டுரைக்கு, சர்வேக்கு பேட்டி எடுக்கும் போது, முகம் மறைத்துக் கொண்டு தன் கதையை கூறினான்.

இன்னிக்கு வரைக்கும் ஹர்ஷா உயிரோட இருக்கானா? எங்க இருக்கான்? அப்டின்னு அவனோட குடும்பம் தேடிட்டு தான் இருக்கு..

-------

ஒரு விஷயம் மட்டும் ஹர்ஷாவின் வழியே ஆழமாய் பதிய கொள்ள விரும்புகிறேன்.

எவ்ளோ நெருங்கிய சொந்தமாக இருந்தாலும் குழந்தைகளிடம் எப்படி பழகுறாங்க அப்டின்றது ரொம்ப முக்கியம்.

---

ஆணிற்கு இயல்பாக வரும் உணர்வுகளை உணர்ச்சிகளை சரியா வெளிக்காட்ட முடியாம, தெரியாம பல பேர் பண்ற தப்பு இந்த மாதிரி அப்பாவி குழந்தைகளோட வாழ்க்கைய பாதிக்குது.

இதிலே யார் மேல தப்பு?

ஒரு சின்ன பையன இப்படி பண்றோம்னு கொஞ்சம் கூட குற்ற உணர்ச்சியே இல்லதா ராம்?

ராம்க்கு தான் செய்வது தவறு என்பதை உணர வைக்க மறுத்தது எது?

ராம் மட்டும் தான் குற்றவாளியா? ராம் அப்படி நடக்க தூண்டியது?

ஹர்ஷா ஒரு வேளை தன் பெற்றோர் கிட்ட சொல்லி இருந்தா, அவங்க என்ன மாத்ரி ரியாக்ட் பண்ணிருப்பாங்க?

இந்த கேள்விக்கு எல்லாம் பதில்கள் தேடிக்கொண்டிருக்கிறேன்..

---

tamil@pratilipi.com
+91 9206706899
சமூக வலைதளங்களில் தொடர
     

எங்களைப் பற்றி
எங்களுடன் இணைய
தனியுரிமை கொள்கை
சேவை விதிமுறைகள்
© 2017 Nasadiya Tech. Pvt. Ltd.