வாசல் தேடி வந்த நிலவு

வாசல் தேடி வந்த நிலவே! - உன்னில்
வாசம் தேடி கொடுத்தேன் மனதை!
மனதில் நாளும் உந்தன் நினைவே! - என்னில்
மயக்கம் கொடுக்குது உன் வரவே!

வெள்ளைக் குயிலாய் எந்தன் மனதை
கொள்ளை கொண்டு போனவள் நீயே!
தொல்லை கொடுக்கிறாய் மனதில் ஏனோ
எல்லை இல்லாமல் தினமும் நீயே!

தாகம் கொண்ட மீனாய் - உன்
தேகம் நீந்த விழைகிறேன்!
மேகம் கொடுக்கும் மழையாய் - முப்
போகம் உன்னால் விளைகிறேன்!

ஆற்று நீராய் நீ ஓடி வந்து - மன
சேற்று வயலில் கலக்கிறாய்!
நாற்று வளரும் வயலில் நீயோ - காதல்
ஊற்று போல உதிக்கிறாய்!

அகல் போன்ற விழிகளால்
பகல் ஆக்கினாய் என் இரவுகளை!
முகில் போன்ற மேனியால்
திகில் ஊட்டுகிறாய் ஏனோ நீயோ?.....

தங்கமணிகண்டன்.......

tamil@pratilipi.com
+91 9206706899
சமூக வலைதளங்களில் தொடர
     

எங்களைப் பற்றி
எங்களுடன் இணைய
தனியுரிமை கொள்கை
சேவை விதிமுறைகள்
© 2017 Nasadiya Tech. Pvt. Ltd.